Avvarðandibólkar 2026

Ert tú avvarðandi til fólk við demensi, so ert tú hjartaliga vælkomin til at tekna teg til avvarðandibólk hjá Alzheimerfelagnum. Vit hittast 8 ferðir í ár, áleið 1 ferð um mánaðin.

Byrjað verður 10 mars.

Talan er um hjálp til sjálvhjálp, tí okkara royndir vísa, at tað kann vera gott at tosa og deila vitan við onnur, ið kenna til støðuna sum avvarðandi.

Til hvørt kvøld verður eitt upplegg um eitt viðkomandi evni.

Aftaná ber til at seta spurningar, deila vitan og práta um tað at verða avvarðandi og avbjóðingar, ið standast, tá demenssjúka rakar.