Endamál felagsins

Vit stuðla og hjálpa demenssjúkum og avvarðandi:

• M.a. gjøgnum avvarðandibólkar og Demenslinjuna. 

 

Vit upplýsa og kunna um demenssjúkur:

• Gjøgnum heimasíðuna og facebooksíðuna hjá Alzheimerfelagnum, á kunningartiltøkum og við at skipa fyri fyrilestrum og ráðstevnum.

• Á altjóða Alzheimerdegnum, 21. september, skipar felagið fyri stórum tiltaki, har tað ofta eru fyrilestrar á skrá. Eisini vísir Kringvarp Føroya filmar og/ella sendingar um demens og Mylnan selir ofta minniskøkur, har inntøkan fer til felagið.

• Harumframt ger felagið nógv burturúr aðalfundi felagsins, sum vanliga er í mars. Ársfrágreiðing verður gjørd á hvørjum ári, um virksemið hjá felagnum.

 

Vit upplýsa og samstarva við lands- og kommunalpolitikarar við:

• at hava javnt og persónligt samskifti við politikarar.

• at skriva hoyringssvar til lógaruppskot, lesarabrøv v.m.

• at hava gott og regluligt samskifti við myndugleikar á demensøkinum. Eitt nú er árligur fundur við Demensklinikkina á Landssjúkrahúsinum, eins og felagið tekur stig til fundarvirksemi við avvarðandi myndugleikar eftir tørvi.

 

Vit stuðla gransking og menning innan demenssjúkur við at:

• seta í verk kanningar og granskingarverkætlanir

• stuðla granskingarverkætlanum fíggjarliga

 

Vit verja rættartrygdina hjá demenssjúkum við at:

• tala at, tá borgarar við demenssjúku eru fyri órætti

• upplýsa um rættindi hjá demenssjúkum og teirra avvarðandi

 

Vit eru við í altjóða samstarvi á hendan hátt:

• Alzheimerfelagið samstarvar við alzheimerfeløgini í Norðurlondum, eitt nú við at luttaka á árligum norðurlendskum fundi.