Avvarðandibólkar

Alzheimerfelagið skipar fyri samtalubólkum fyri avvarðandi hjá fólki við demenssjúkum, byrja verður 28. novembur kl 19.30 í Megd, Íslandsvegur 10c.

Bólkar verða fyri børnum og fyri makum hjá fólki við demenssjúkum.

Tilmelding umvegis teldupost: alzheimer@alzheimer.fo viðmerk maki ella barn.

Málið við bólkunum er at: 

  • fáa kunnleika um demens.
  • fáa hent ráð um almenn tilboð.
  • finna stuðul og styrki til at megna gerandisdagin.
  • viðgera kenslur.
  • fáa hjálp til at bróta sosiala avbyrging.
  • fáa hugskot til samveru við tann demenssjúka.
  • fyrireika tey avvarðandi til nýggjar avbjóðingar, sum sjúkan kann hava við sær. 

Hví er felagskapur týdningarmikil?

Avvarðandi hjá fólki við demenssjúkum eru í eini truplari lívsstøðu. Tá ein í familjuni er raktur av demenssjúku, verður øll familjan rakt.

Ein bólkur er betri enn einstaklinga samtalur? 

Tað hevur stóran týdning fyri avvarðandi at fáa kunnleika til sjúkuna og fáa stuðul frá øðrum, sum kunnu skilja, hvussu ein hevur tað.

Tilboðið er ikki eitt viðgerðartilboð, men luttakararnir kunnu saman finna loysnir og greiða frá egnum royndum. Bólkarnir verða stuðlaðir av fakfólki innan demensøkið.

Luttakarunum og fakfólkunum er áløgd tagnarskyldu eftir galdandi reglum.

Facebook